На 27 и 28 Мај, на две различни локации во Охрид, нуркачкиот центар „Амфора“, заедно со своите пријатели нуркачи од повеќе земји и волонтери од еко-организацијата „НЕ БИДИ ЃУБРЕ“ поддржани од нуркачкиот центар Акватек, го чистеа дното и брегот на Охридското Езеро од цврст отпад, во склоп на СКОПСКО платформата за чисти природни убавини, #НашаГордостНашаОдговорност!

Нуркачката акција на НЦ „Амфора“, со 28 нуркачи од неколку земји, се реализираше на подрачјето на манастирот св. Наум, каде тие извадија огромна количина на пластични шишиња, лименки, гуми, пластики, конзерви и секаков друг вид на цврст отпад.    

Од другата страна на езерото, покрај стариот пат Охрид-Струга т.е. во близина на реката Сатеска, која важи за еден од најголемите загадувачи на езерото, волонтери од НЕ БИДИ ЃУБРЕ, во соработка со „Акватек“, ја ослободија од цврст отпад 300 метри долгата плажа.

Сѐ на сѐ, беше исчистена вкупна површина од околу 33 000 м2 и беше собран отпад со вкупна зафатнина од 5 м3. 

Платформата #НашаГордостНашаОдговорност продолжува со уште акции и упатува апел до сите кои се залагаат за чисти природни објележја, да се приклучат преку пријава тука.

‍