Сите уживаме во нашите природни убавини. Но нашата љубов кон нив се зацврстува преку конкретни дела што ги оставаат подобри за идните генерации.

Токму затоа, преку платформата за општествена одговорност на Скопско, „Наша гордост, наша одговорност“, и оваа година ја продолживме мисијата за заштита и унапредување на природните убавини во нашата земја, со посебен фокус на планините.

На почетокот на годината потпишавме меморандум за соработка со ЈП Национален парк „Шар Планина“,со цел реализирање на заеднички активности кои ќе придонесат кон одржливоуправување, заштита и развој на ова исклучително природно богатство.

Во рамки на соработката, изминатите месеци организиравме неколку чистачки акции, каде заедно со повеќе од 100 волонтери, на кои сме им многу благодарни, успеавме да ги разубавиме пределите на Шара.

Во овој период сме фокусирани на инвестицијата на Шар Планина и во соработка со Националниот Парк се поставени:

·        нови информативни еко-табли, изработени од суво смрчево дрво од Јелак, искористено на одржлив начин, без сечење здрави дрвја

·        маси и клупи на најпосетените локации во Националниот парк Шар Планина

Овие иницијативи се дел од пошироката заложба на Скопско за одговорно користење на природните ресурси, заштита на планинските еко системи и подобрување на искуството на посетителите.

Нашите природни богатства се наша гордост но и наша одговорност и заедно треба да се грижиме за нив.

‍

Скопско, во соработка со Grizzly Guardians, на 18.10.2025 реализираше уште една успешна еко-акција во рамки на долгорочната платформа за општествена одговорност „Наша гордост. Наша одговорност.

И покрај непредвидливите временски услови, 65 ентузијасти и љубители на природата одговорија на повикот и собраа приближно 1000 килограми отпад на едно од најпосетуваните планински подрачја планината Козјак. Со оваа акција испраќаме јасна порака, планините не можат сами да се одбранат, потребна им е нашата грижа и љубов.

‍

СКОПСКО останува посветено на оваа мисија, чекор по чекор, акција по акција, и сите што веруваат дека вистинската промена започнува од нас самите.   

‍

Во рамки на својата општествено одговорна кампања „Наша гордост, наша одговорност“, СКОПСКО и оваа година продолжува да ги мотивира потрошувачите на одговорно однесување и селектирање на отпадот. Во соработка со Пакомак и компанијата за производство на алуминиум Ball Corporation, од 15 август стартува иницијативата за дополнителни поени за секоја селектирана СКОПСКО и СКОПСКО Smooth лименка.

‍

Преку апликацијата „Екомак“, во период од 15 август, потрошувачите ќе добиваат 5 зелени поени за секоја селектирана лименка.

‍

‍

Целта на иницијативата е едноставна – да ги поттикнеме луѓето да прават мали, но значајни чекори за почиста и поздравa животна средина. Секоја селектирана лименка придонесува кон поголемата цел на платформата, која оваа година ја започна новата фаза од циклусот на инвестиции за зачувување на природата, чистење, уредување и подобрување на инфраструктурата на планините, со фокус на Шар Планина.

Сите активности во рамки на платформата „Наша гордост, наша одговорност“ покажуваат дека СКОПСКО постојано се грижи за природата и нашите природни убавини. Потрошувачите преку своето учество стануваат дел од конкретни акции за чистење, уредување и зачувување на планините, создавајќи поздраво и побезбедно опкружување за сите нас.

Селектирај, учествувај и придонеси за планините – тоа е круг на одговорност што почнува од нас.