Култниот пивски бренд на Пивара Скопје – СКОПСКО успешно ја заврши големата еко-акција за чистење на Охридското Езеро, која се одржа на 1-ви јуни 2024 година. Оваа акција, во рамки на долгорочната платформа за општествена одговорност „Наша гордост. Наша одговорност.“ мобилизираше голем број волонтери  кои заедно со нуркачкиот клуб Амфора го чистеа Охридското езеро и неговото крајбрежје.

‍

‍

„Со гордост објавуваме дека преку оваа акција успеавме да исчистиме неверојатни 120 метри кубни отпад - цврст и пакувачки отпад, метални конструкции и автомобилски гуми на 6 различни локации, а во акцијатa беа вклучени вкупно 170 нуркачи и волонтери.  Нашата долгорочна цел е да ја подигнеме свеста за важноста на зачувување на нашата природна средина. Ова е само дел од нашите постојани напори да ги заштитиме и сочуваме природните богатства, симболите на нашата гордост и културно наследство. Оваа кампања ја нагласува долгорочната заложба на СКОПСКО за одржливост, повикувајќи ги сите да придонесат за почиста, позелена иднина,“ вели Марта Завкова, сениор бренд менаџер за СКОПСКО во Пивара Скопје.

‍

‍

Членовите на нуркачкиот клуб Амфора инспирираа многумина да се приклучат во акцијата и ја подигнаа свеста за важноста на  поддршката на ваквите иницијативи, како локално, така и во земјите од регионот. Оваа година, како дел од акцијата се вклучија 70 нуркачи од кои 20 беа нуркачи од регионот.

„Во текот на акцијата нуркачите од нашиот клуб успеаја да извадат голема количина отпад од подводниот дел на езерото, Благодарност до СКОПСКО и сите волонтери кои ја поддржаа и учествуваа во оваа акција. Сите заедно, со мали но значајни чекори, можеме да го зачуваме нашето природно наследство и да обезбедиме чиста и здрава животна средина за идните генерации,“ изјава Јован Секулоски од Амфора.

‍

‍

Како потсетување, минатата година во рамки на платформата „Наша гордост. Наша одговорност.“ беа реализирани акции за чистење на дното на Охридското Езеро и крајбрежјето, како и поставување на пловни препреки на реките Сатеска и Даљан, за да се спречи загадувањето на езерото со пловен отпад.

Овој проект целосно ги поддржува заложбите на Пивара Скопје за одржлив развој во рамки на платформата „Свет без отпад до 2030 година“, како и намалување на нето јаглеродните емисии на компанијата до 2040 година.

‍

‍

Како компанија ориентирана  кон иднината, Пивара Скопје преку СКОПСКО платформата „Наша гордост. Наша одговорност.“ ќе опфати и други национални обележја во земјата и ќе ги обедини граѓаните, организациите и институциите кои ги делат истите вредности и заложби за одржлив развој.

‍

СКОПСКО ве повикува да се приклучите на големата еко-акција за чистење на Охридското Езеро, нашето непроценливо природно богатство кое заслужува целосна заштита и грижа. Оваа акција ќе се одржи на 1-ви јуни на плажата Дебрца (стар пат Охрид-Струга, во близина на реката Сатеска), и претставува одлична можност за сите граѓани, семејства и пријатели да се здружат во заедничката мисија за почиста животна средина.

Охридското Езеро, со својата извонредна природна убавина и значење, е симбол на нашата гордост и културно наследство. Заедно, можеме да придонесеме за неговото зачувување и да оставиме траен белег на нашите напори за одржлива иднина. Оваа иницијатива е дел од во рамки на долгорочната платформа за општествена одговорност „Наша гордост. Наша одговорност.“ со која сакаме да го подигнеме нивото на свест за важноста на зачувување на нашите природни обележја кои не само што се наша гордост, туку се и наша одговорност!

Детали за настанот:

• Датум: 1-ви јуни 2024 година

• Локација: Плажата Дебрца (стар пат Охрид-Струга, во близина на реката Сатеска)

• Време на почеток: 10:00 часот

Сите заинтересирани за учество можат да се пријават со пополнување на формуларот на www.skopsko.mk/form.

СКОПСКО обезбедува:

• Превоз: Превоз за сите учесници од Скопје до Охрид и назад.

• Освежување и храна: Во текот на целата акција, сите учесници ќе имаат на располагање освежување и оброци.

• Опрема за чистење: Потребната опрема за чистење, како што се ракавици, вреќи за отпад и други материјали.

Преку оваа акција се инвестираат средствата што беа собрани во првата фаза од CSR кампањата (од секое продадено Скопско пиво во стаклена амбалажа издвојуваме по еден денар во акции за чистење на Охридското езеро).

Вашето присуство и поддршка се од клучно значење за успехот на оваа акција. Ова е можност да се обединиме и заедно да ја покажеме нашата одговорност кон природните обележја и идните генерации.

Придружете ни се!

‍

Во срцето главниот град, каде историјата шепоти низ секој шум на старите липи и чува илјадници први бакнежи, разделби, големи прослави и ревносни говори, лежи доказ за издржливоста и величественоста на Скопје- епитомот на архитектонската елеганција -палатата Ристиќ. Симфонија на европскиот раскош и елеганција, ова славно здание стои високо, сведочејќи за бурното минато на градот и ветувачката иднина.

‍

Се сеќавате ли на приказните на вашите баби за старото скопско корзо? За срамежливите погледи, шармантните насмевки и украдените бакнежи под ѕвезденото небо? За неделното матине и бескрајните игранки на кои почнале најубавите скопски љубовни приказни? Токму јадрото на сите овие случувања, била Ристиќевата палата – почетокот и крајот на приказните за златното време на старо Скопје.

Но, тука се и приказните од нашето време – се сеќавате на новогодишната еуфорија кога бевте деца? Ристиќева палата се уште ги чува желбите кои му ги шепотевте на Дедо Мраз кој трпеливо ве чекаше на скопскиот плоштад. Или првпат кога бевте „на пијачка во град,“ се чекавте пред Ристиќева зар не?

Бескрајните бели ноќи и првиот состанок, додека копнеевте за љубов како од бајките, а во позадина звуците на акустичните бендови токму пред неа сонуваа за големите соништа.

И додека утринското сонце ги фрла своите златни нијанси над Скопје, не може, а да не се најдете маѓепсани од овој архитектонски скапоцен камен. Додека градот уште спие, се прашуваме колку приказни се врежани во нејзините ѕидови? Колку наши средби и разделби сведочела?

Чекорејќи низ големиот влез, ве обвива чувство на безвременост, небаре одгласите на минатите достоинственици и тајните разговори струјат сè уште во воздухот.

Познатата Ристиќева палата својата приказна ја започнува во првата половина на 1925 година за веќе во 1926 година гордо да застане исправена во целата својата величественост. Проектот е дело на архитектот Драгутин Маслаќ, додека фигурите на Ескулап и Хигија заедно со иницијалите В.Р. на сопственикот Владислав Ристиќ, ги изработил Данило Стојковиќ.

‍

Кој бил Владислав Ристиќ?

Богат и мудар фармацевт, за кој се вели дека бил исклучителен перфекционист. Сакајќи го само најдоброто за себе, тој не дозволувал ништо помалку од совршенство за платата која ја градел. Хроничарите од тоа време велат дека се залагал да се набави најквалитетниот градежен материјал. Ѕидовите биле посебно засилувани со цврста железна арматура. Токму затоа не е ни чудо што ова архитектонско дело ја има преживеано големата поплава во Скопје и земјотресот од 1963. Желбата на Ристиќ била да изгради споменик кој ќе говори за него. Несомнено успеал во тоа!

‍

Првиот лифт во Скопје

Дека Ристиќ бил визионер, зборува и сензацијата која ја донел во Скопје - бил донесен првиот лифт во градот. Лифтот бил од германско потекло и од марката „стиглер“, тој бил изработен од борово дрво, збогатен со фурнир и лајсни од ореово дрво и со носивост до 320 килограми, за четири лица. Лифтот верувале или не беше во употреба се до 2011 година, кога со одлука на станарите истиот е подарен на Музејот на градот Скопје. Но, освен лифтот, со платата била донесена и уште една иновација – при изградбата на палатата, од нејзините темели избило вода, заради близината на Вардар. Решението било едноставно - сопственикот Ристиќ веднаш изградил бунар, и со специјална пумпа и спроводни цевки водата била насочена до цистерната на покривот од зградата. Така, водата можела да се користи во внатрешноста на објектот без потреба да се излегува надвор од него.

‍

Лабораторија за опиум, аптека, штедилница

Ристиќева Палата била всушност една од најголемите лабаратории во која се преработувал, рафинирал квалитетниот македонски опиум со кој се снабдувал голем дел од Европа.

Во основата на палатата биле сместени раздвижените работни комори и аптеката на Ристиќ (денес на истото место се наоѓа книжарницата „Култура“), додека на првиот кат се наоѓала резиденцијата на семејството Ристиќ. Горните катови биле резервирани за Поштенската штедилница, значаен центар на деловните потфати на Ристиќ.

Ова архитектонско ремек дело стои како светилник на надежта, премостувајќи ја бездната помеѓу минатото и сегашноста, традицијата и иновациите. Старото корзо, игранките, европската мода од ‘30тите и познатите скопски шлагери. Архитектурата на која до ден денес се восхитуваме. Стои како чувар на нашето детство, во себе ревносно ги чува и звуците на акустичните бендови кои токму пред неа сонуваат големи соништа.

За надежта, за спомените и за иднината. Да наздравиме за нас, за Скопје и за приказните кои остануваат!

‍