СКОПСКО, во партнерство со Националниот парк „Шар Планина“ и со компанијата „Саубермахер“, на 7 мај 2025 година ја реализираше екоакцијата за чистење на излетничкото место Лисец на Попова Шапка. Акцијата е дел од долгорочната платформа за општествена одговорност на СКОПСКО – „Наша гордост. Наша одговорност.“, преку која постојано ги поврзува природата и грижата за заедницата.

Во акцијата учествуваа 23 волонтери, кои заедно со вработените од Националниот парк и партнерите од „Саубермахер“, собраа цели 1.300 килограми отпад – резултат, кој не само што говори за посветеноста на учесниците, туку и за важноста од заедничка акција за заштита на нашите планини.

Овој ангажман претставува симбол на колективната свест, одговорност и љубов кон природата. Со секој килограм отпад помалку, чекориме поблиску до иднина во која планините ќе останат чисти и инспиративни – токму какви што заслужуваат да бидат.

Преку вакви иницијативи, СКОПСКО уште еднаш докажува дека вистинските вредности не се само во вкусот, туку и во делата. СКОПСКО не само што ја подигнува свеста за еколошките предизвици, туку и активно се вклучува во нивното решавање.

Оваа акција е само еден од многуте чекори што ќе следуваат во рамки на платформата за општествена одговорност на СКОПСКО. Грижата за природните убавини е наша секојдневна обврска зошто тие се наша гордост, но и наша одговорност.

‍

‍

‍

Македонија е доминантно планинска земја. Нашите високи врвови заземаат речиси 90 проценти од територијата и се нашето најголемо природно богатство.

Планините се наше прибежиште кога сакаме да побегнеме од градскиот метеж, да дишеме со полни гради и да уживаме во прекрасните глетки. Но, сè поретко успеваме да им возвратиме со грижа.

Токму затоа „Пивара Скопје“ и СКОПСКО преку платформата „Наша гордост, наша одговорност“, ја продолжуваат мисијата за заштита на нашите природни убавини, овој пат со фокус на нашите планини.

Како дел од оваа платформа со гордост објавуваме дека потпишавме Меморандум за соработка со ЈП Национален парк „Шар Планина“ за заеднички активности, кои ќе придонесат за заштита и унапредување на ова непроценливо природно богатство.

‍

‍

Ќе спроведуваме акции за чистење, ќе ја подобриме инфраструктурата на рекреативните зони и заедно ќе работиме за зголемување на еколошката свест.

Дополнително, СКОПСКО изминативе месеци имаше кампања каде што со секое купено шише во стаклена амбалажа СКОПСКО или СКОПСКО SMOOTH со специјална етикета, се издвојуваше по 1 денар за поддршка на овие активности.

Ова не е само партнерство. Ова е повик. Повик да си ја преземеме одговорноста за тоа што е наше – за природата, за планините, за иднината.

Шар Планина е наша гордост. Да се погрижиме да остане и наша одговорност.

‍

Планините ни даваат многу – чист воздух, мир, прекрасна глетка и незаборавни моменти. Но, тоа што е поважно од нивната убавина е како се однесуваме кон нив.

Во новиот рекламен спот на Скопско, приказната не ја раскажуваме ние – туку тие што вистински ги познаваат, сакаат и чуваат нашите планини. Сите видеа што го сочинуваат овој спот се снимени од планинари, љубители на природата и од луѓе што редовно ги истражуваат нашите врвови, патеки и долини. Тоа се тие што не само што ги живеат најубавите моменти во природа, туку и се грижат за неа.

‍

Нивната љубов и посветеност се пример за сите нас. Ако сите ја почитувавме природата како што го прават тоа тие, нашите планини ќе беа уште поубави, почисти и подостапни за сите. Затоа, со овој спот наздравуваме за нив – за луѓето што на планина зад себе оставаат само отпечатоци од чевли, а не отпадоци.

За овој спот ја одбравме песната „Зборувај за Скопје“ – нумера што совршено ја надополнува приказната за убавините на нашата земја. Со новиот аранжман, таа додава уште поголема емоција и атмосфера на видеата, истовремено поттикнувајќи нè повеќе да зборуваме за нашите природни богатства.

Во песната се пеe за Водно и за Шара – планини што заслужуваат да се слават, зачуваат и почитуваат. Нивната убавина и значење со оваа мелодија стануваат уште повпечатливи.

‍

‍

Со кампањата „Наша гордост, Наша одговорност“ , потсетуваме дека природата е наша заедничка одговорност. Од секое продадено Скопско и Скопско Smooth издвојуваме по еден денар за нашите планини, за да им вратиме барем дел од тоа што ни даваат.

Време е сите да станеме дел од оваа приказна. Да ги сакаме, чуваме и негуваме нашите планини – како што прават вистинските љубители на природата. И, секако, повеќе да зборуваме за Шара, за Водно и за убавините на нашата земја!

‍